Алматы қаласы әкімінің орынбасары Ержан Бабақұмаров мегаполис тұрғындарына коронавирустық инфекцияның көбеюін болдырмау мақсатында санитарлық шараларды қатаң сақтау туралы айтты.
Оның айтуынша, қазірдің өзінде қарт адамдар арасында коронавирустық инфекцияның өсуі байқалады. Пациенттердің жалпы санының 33% -ы егде кісілер.
“Егде жастағы адамдар ауыр сырқаттармен ауырады. Өкінішке орай, дәл осы жас тобында бізде өліммен аяқталатын жағдайлар көп кездеседі. Қазір вирусқа қарсы вакцина немесе дәрі жоқ. Оның үстіне, кейбір мәліметтерге сәйкес, вирус Америка мен Еуропада мутацияға ұшырады”, – деді Бабақұмаров.
Шенеунік алматылықтардың жұмыс кезінде инфекцияны жұқтыру жағдайлары көп екенін атап өтті. Оның айтуынша, науқастардың шамамен 44% -ы кәсіпорындарда инфекция жұқтырған. Ол гигиена мен жұмыс кезінде маска киюге шақырды. Сонымен қатар, әкім орынбасары коронавирустық инфекциямен ауырғандардың 18% -ы кіреберістер мен лифтілерде вирус жұқтырғанын айтты.
“Көпқабатты үйлердің тұрғындары мен КСК төрағалары инфекциялардың алдын алу үшін кіреберістерді тазалауы керек. Қоршау, есік тұтқалары және тағы басқаларын күніне бірнеше рет тазалау керек”, – деді Бабақұмаров.
Пандемия басталғаннан бері Алматыда коронавирустық инфекцияның 15 мың жағдайы тіркелді.
Дереккөз:
В миреОфициальная статистика заражений коронавирусом в Казахстане и других странах доступна на сайте Coronavirus-info.kz.
