Шығыс Қазақстан облысы коронавирустың таралу қарқыны бойынша «қызыл аймаққа» кірді.
Бұл туралы ШҚО Тауарлар мен көрсетілетін қызметтердің сапасы мен қауіпсіздігін бақылау департаменті басшысының міндетін атқарушы Талғат Тұңғышбаев ресми таратылған видеоүндеуде хабарлады. 1 қазан мен 2 қараша аралығында облыс бойынша 1681 рейд жүргізіліп, 9321 нысан қамтылған. Санитарлық-эпидемиологиялық талаптарды сақтамағандарға ҚР ӘҚБтК-нің 425-бабы 1-бөлігімен 381 айыппұл салынды.
Облыста жалпы қуаттылығы тәулігіне 7 мың сынамамен жұмыс істей алатын 10 зертхана бар. Бұл жүктеме өңір аумағына артығымен жеткілікті. Қазіргі уақытта тәулігіне орта есеппен 3000-ға дейін зерттеу жүргізілуде. ПТР тестілерінің тапшылығы жоқ. Бүгінде облыста 78 мың тест бар. Бұл кем дегенде 3 айға жеткілікті және олар үнемі толықтырылып отырады.
Соңғы мәліметтерге сәйкес, ШҚО-да 10747 адам коронавирус жұқтырған. Оның ішінде 8508 адам жазылып шықса, көз жұмғандар саны – 249.
В миреОфициальная статистика заражений коронавирусом в Казахстане и других странах доступна на сайте Coronavirus-info.kz.
